TURITURIAN NI SARIBU RAJA DHT BABIAT SITELPANG (cps)

On ma saotik/sebagian udut ni turiturian ni Parsaoran Situmorang Pande na digurithon dibagas sada grup facebook, ima :> PARSADAAN SITUMORANG SIPITU AMA dohot BORUNA (PSSAB) Se-Indonesia. Tentang ‌TURI-TURIAN NI OPPUNGTA SIJOLO JOLO TUBU SI NAUJUI. Jala on ma sebagian Udut ni turiturian i:. - __ Sai marsigor-gor do rohani ni Oppung Saribu Raja ise do manisia na mandongani Si Boru Pareme. Disada tikki lao ma Oppung Saribu Raja tu harangan lao manghirap (karifat) marhite hagogon dohot parbinotoan na. Dungi ro ma Nagogo i mandapothon Oppung Saribu Raja di harangan i alai marrupahon manisia dope. Disunghun Oppung Saribu Raja ma : " Ho do manisia na mandongani ibotokku Si Boru Pareme i ?". Dialusi Nagogo i ma : " ido tutu, Ahudo namandongani pinaribot ni Raja i ". Disukkun Oppung Saribu Raja ma muse : "Boasa pajolo gogo papudi uhum ho". Dialusi Nagogo i ma : " Nahubereng do Dolok Pusuk Buhit i mansai sangap jala adong di si harajaon naeng nakkok manian ahu maradu hasaktionku tu pangisi ni dolok i alai merus do gogokku dang tolaphu nakkok. Hubahen ma akkalhu hupardongan ma iboto ni Raja i asa boi ahu nian pajuppang dohot Raja pan gisi ni dolok Pusuk Buhit i, alai saonari ma ahu mangido sala tu Raja i naung pajolo gogo papudi uhum ahu". Dungi dialusi Oppung Saribu Raja ma : "Molo natutu do adong hasaktionmu patuduhon ma jolo tu ahu". Pittor di tarik ma rautna sian sarung na laho maniham Nagogo i alai dang hona. Marbada bolon ma nasida nadua diharangan i, sai dipatalu Nagogo i do dirina nian ai didok rohana do :"Boha do bahenonhu mangalo pinaribot ni parsonduk bolonhu (Hula-Hula ku)". Alai sai marsigogo do Oppung Saribu Raja ikkon bunu on na Nagogo i, pittor pauba toppa ma gabe Nagogo i asa mabiar nian Oppung Saribu Raja hape ndang mabiar tong do marsitutu naeng mamunu. Ala dang mabiar Oppung Saribu Raja di lehon ma pat na jolo hona raut ni Oppung Saribu Raja asa sidung nian parbadaan nasida. Dung di ida Oppung Saribu Raja naung hona raut pat ni Nagogo i sobbu ma rohana moru ma rimas na dipaloas ma Nagogo i lao sian jolona mardalan huhut mekkut-ekkut. Sahat ma Nagogo i di Lobu Tua Barus mangadop ma tu Oppung Nasari Matua Nasora Mate alai tong do marrupahon nagogo (Babiat) i. Dipanot-noti ma bugang ni Nagogo i pittor diboto Oppung Nasari Matua Nasora Mate do aha mambahen. Marsabbung...... Sumber: Grup PSSAB